Skólaverkefni

Umsóknarfrestur vegna Comenius skólasamstarfsverkefna er 21. febrúar 2012. Jafnframt má finna upplýsingar um umsóknarfresti hér. Niðurstaða styrkveitinga í skólaverkefnum liggur fyrir 1. vikuna í júlí.

Samstarfsverkefni milli að minnsta kosti þriggja skóla á leik-, grunn- og framhaldsskólastigi frá þremur þátttökulöndum. Í hverju verkefni verður að minnsta kosti einn þátttökuskóli að koma frá landi sem er aðili að Evrópusambandinu. Verkefni standa yfir í tvö ár.

Leit að samstarfsaðilum

Finna má samstarfsaðila með margvíslegum hætti. Nýta má óformlegar leiðir t.a.m. í gegnum kunningsskap eða fara formlegri leiðir með því að nýta þar til gerðar síður. Leitarvefur eTwinning er dæmi um slíka síðu sem notuð er í auknu mæli. Notkun hennar er markviss leið til að finna samstarfsaðila. Önnur leitarsíða sem reynst hefur gagnleg er síða British Council - Schools online. Jafnframt getur heimsókn á tengslaráðstefnur reynst góður vettvangur til að komast í samband við hugsanlega samstarfsaðila. Yfirlit um dagskrá tengslaráðstefna má finna undir >skólasamstarf > Undirbúningsheimsóknir og tengslaráðstefnur. Þá berast landsskrifstofu beiðnir reglulega frá evrópskum skólum sem hægt er að fá sendar.

Hér má fara inn á leitarvef eTwinning. Til að unnt sé að nýta leitarvélina þarf að skrá sig sem meðlim.

Hér má fara inn á breska leitarvefinn British Council - Schools online.

Markmið

Að styrkja samstarf milli evrópskra skóla með því að koma á sambandi milli nemenda, styrkja kennaraskipti og auka þekkingu á menningu og tungu annarra þjóða. Samstarfsverkefni geta til dæmis verið á sviði lista, vísinda, umhverfismála, sögu, landafræði og fleiri.

Nánari útlistun á ensku - skólaverkefni 2012 (.pdf 54 K) Sækja skjal

Styrkir

Styrkir eru veittir til fundaferða kennara og nemenda, kennaraskipta, heimsókna skólastjóra og ferða á ráðstefnur á vegum Comenius Net.

Verkefni standa yfir í 2 ár og er sótt um styrk fyrir allt tímabilið.

Upphæðir styrkja miðast við fjölda ferða:

Minnst 4 ferðir kennara á tveimur árum - 7.000 €
Minnst 8 ferðir kennara og nemenda á tveimur árum - 12.000 €
Minnst 12 ferðir kennara og nemenda á tveimur árum -18.000€
Minnst 24 ferðir kennara og am.k. 20 nemendur á tveimur árum - 24.000€

Athugið:
Tveir íslenskir skólar geta tekið þátt í sama samstarfsverkefni. Einungis skólar með fleiri en 500 nemendur geta sótt um tvö verkefni að því gefnu að markhópar og svið séu mismunandi.